Joyce Carol Oates

| dateformat = dmy}}

Awdures o Unol Daleithiau America yw Joyce Carol Oates (ganwyd 16 Mehefin 1938) sy'n cael ei hystyried yn nodigedig am ei gwaith fel dramodydd, bardd, nofelydd, awdur ysgrifau, hunangofiannydd ac awdur.

Cyhoeddodd Oates ei llyfr cyntaf ym 1962 ac ers hynny mae wedi cyhoeddi dros 40 o nofelau, yn ogystal â nifer o ddramâu a nifer o gyfrolau o straeon byrion, barddoniaeth a gwaith ffeithiol. Mae hi wedi ennill nifer o wobrau am ei hysgrifennu, gan gynnwys y Wobr Llyfr Genedlaethol, am ei nofel ''them'' (1969), dwy Wobr Henry, y Fedal Ddyniaethau Genedlaethol a Gwobr Jerwsalem (2019). Roedd ei nofelau ''Black Water'' (1992), ''What I Lived For'' (1994), ''Blonde'' (2000), a chasgliadau o straeon byrion, ''The Wheel of Love'' (1970) a Lovely, Dark, Deep: Stories (2014) i gyd yn rownd derfynol Gwobr Pulitzer.

Cafodd ei geni yn Lockport, Efrog Newydd, ar 16 Mehefin 1938, yr hynaf o dri o blant; hanai'r teulu o Hwngari. Cawsant eu dwyn i fyny ym maestref Millersport, Efrog Newydd. Wedi gadael yr ysgol mynychodd Brifysgol Detroit Mercy, Prifysgol Rice, Prifysgol Syracuse a Phrifysgol Wisconsin–Madison. Ymhlith y dylanwadau mwyaf arni mae: Franz Kafka, D. H. Lawrence, Thomas Mann, a Flannery O'Connor. Cyhoeddodd Gwasg Vanguard nofel gyntaf Oates, ''With Shuddering Fall'' (1964), pan oedd yn 26 oed. Yn 1966, cyhoeddodd ''"Where Are You Going, Where Have You Been?"'', sef stori fer wedi'i ganoli ar Bob Dylan a ysgrifennodd ar ôl gwrando ar ei gân ''"It's All Over Now, Baby Blue"''.

Mae Oates wedi darlithio ym Mhrifysgol Princeton ers 1978 ac ar hyn o bryd (2019) mae'n Athro Emerita Roger S. Berlind '52 yn y Dyniaethau gan arbenigo mewn ysgrifennu creadigol. Darparwyd gan Wikipedia